E ftuar sot në rubikën “Ka një mesazh për ty”, ishte Albana Keka, një vajzë e martuar me Akremin nga Vlora, por shkaku se ai është më i madh në moshë, ka bërë që nëna e Albanës mos t’i flasë më asaj.
“Në ditëlindjen time bëmë dasmën dhe i kërkova kunatës sime, që të shkonim ta shikonim mamin, por ajo nuk pranoi. Pasi mendoi se do mërzitesha më shumë. Shkova ta takoja dhe më është mbyllur dera e lokalit. Ajo ditë ka qenë shumë e vështire për mua, sikur ishte vaki dhe jo dasmë. Unë e dua mamin ta shikoj, më ka marrë malli për erën e saj”, u shpreh Albana.
Albana e kishte ftuar nënën e saj në studio, por ajo nuk erdhi. Pasi pa që nëna e kishte refuzuar ftesën, Albana humbi ndjenjat për pak sekonda, por Arditi iu gjend pranë dhe e qetësoi.
Arditi i premtoi Albanës se do të shkojë vetë në Vlorë dhe do ia çojë nënës së saj lulet dhe poezinë që Albana kishte sjellë për të. /xing.al