Presidentja e Kosovës, Vjosa Osmani, ka ndarë një moment të veçantë me fëmijët në Klinikën e Onkologjisë dhe Kirurgjisë së Fëmijëve, si një traditë e vazhdueshme gjatë festave të fundvitit.
Në një postim në rrjetin social Facebook, Presidentja Osmani ka shprehur respektin dhe admirimin për punën jashtëzakonisht të vyer të stafit të këtyre klinikave. Puna e tyre vlerësohet si një burim shpresë dhe forcë për fëmijët që luftojnë kundër sëmundjeve të vështira dhe për prindërit që janë në këtë rrugë të vështirë.
Presidentja ka shprehur mirënjohje të thellë për punën e palodhshme të çdo individit në këto klinika, duke theksuar se ata ofrojnë jo vetëm shërbime mjekësore, por edhe dashuri dhe përkrahje të pakursyer për fëmijët dhe familjet e tyre./GazetaShneta/