Pak qaste më parë Instituti Kombëtar ka njoftuar se nga 974 mostra të marra nga ShSKUK-ja janë konfirmuar 124 raste pozitive me covid-19.
Fatmirësisht, në 24 orët e fundit nuk është raportuar asnjë viktimë, kurse 49 pacientë e kanë mposhtur virusin covid-19 shkruan GazetaShneta.
“Numri total i rasteve pozitive është 17.263 raste nga 82.678 persona të dyshimtë në virusin SARS-CoV-2 dhe 657 raste të vdekjes.
Gjatë 24 orëve të fundit, janë shëruar 49 pacientë derisa numri i përgjithshëm i të shëruarve deri më sot është gjithsej 14.836 raste”, thuhet në njoftimin e IKSHPK-së.
Ndërkohë, nga 124 raste pozitive sot, 72 prej tyre janë shënuar vetëm në kryeqytet.Ndërsa, komunat tjera me raste pozitive janë: komuna Gjilan 9 raste, komuna Mitrovicë 7 raste, komuna Fushë Kosovë 5 raste, komuna Prizren 5 raste, komuna Drenas 4 raste, komuna Skenderaj 4 raste, komuna Suharekë 3 raste, komuna Kamenicë 2 raste, komuna Malishevë 2 raste, komuna Obiliq 2 raste, komuna Pejë 2 raste, komuna Podujevë 2 raste, komuna Viti 2 raste, komuna Vushtrri 2 raste dhe komuna Lipjan 1 rast.
Aktualisht, vendi ynë është duke u përballuar me 1,770 raste aktive./GazetaShneta/