Çfarë lidhjeje ka midis gjumit dhe shëndetit të trurit? Hulumtimet e fundit ofrojnë informacione të reja.
Dëshmitë e shumta tregojnë se ekziston një lidhje e fortë midis gjumit dhe shëndetit të trurit. Një studim i ri tregon se cilësia e dobët e gjumit në fillimet e moshës së mesme është e lidhur me plakjen e përshpejtuar të trurit dhe probleme njohëse në jetën e mëvonshme, shkruan Medical News, transmeton Gazeta Shneta.
Një tjetër studim sugjeron se personat që përjetojnë ndërprerje të gjumit në të 30-at dhe 40-at e tyre kanë më shumë mundësi të kenë probleme me kujtesën dhe aftësitë njohëse më vonë në jetë.
A po flini mjaftueshëm? Sa e mirë është cilësia e gjumit tuaj? Dëshmitë në rritje nga kërkimet shkencore lidhin “gjumin e dobët” me plakjen e përshpejtuar të trurit dhe sugjerojnë që adresimi i problemeve të gjumit herët në jetë mund të ndihmojë në ruajtjen e funksioneve tona njohëse.
Kërkimet e mëparshme kanë zbuluar se gjumi i duhur mund të ndihmojë në mirëmbajtjen dhe përmirësimin e sistemit glifatik të trurit dhe aftësinë e tij për të eliminuar mbetjet.
Studiuesit kanë zbuluar gjithashtu se çrregullimet dhe ndërprerjet e gjumit, si zgjimi i shpeshtë gjatë natës, mund të kontribuojnë në probleme të kujtesës dhe njohjes, të cilat mund të rrisin rrezikun e zhvillimit të demencës./Gazeta Shneta/