Disa deklarata të Dr. Gani Bajraktarit kanë bërë që kardiologu të hetohet nga Prokuroria.
Rastin ndaj tij e ka iniciuar menaxhmenti i SHSKUK-së, pasi Bajraktari doli në media duke pretenduar se nëpërmjet një studimi shkencor kanë ardhur në përfundim për rritjen e numrit të vdekjeve të pacientëve për shkak të ndarjes së Kardiologjisë me Kardiologjinë Invazive.
Drejtori i SHSKUK-së Dr. Basri Sejdiu së bashku me drejtorin e Kardiokirurgjisë me Kardiologji Invazive dolën në një konferencë për media një ditë më vonë ku than se ndaj Bajraktarit do të merren masa për shkak të krijimit të panikës me deklaratat e tij. Ata iniciuan edhe procedurë në Prokurori, për çka tanimë kanë filluar hetimet, shkruan Gazeta Shneta.
Këtë e ka konfirmuar edhe prokurori përgjegjës për media Ibrahim Berisha. Ai ka thënë se rasti është në procedurë dhe për këtë nuk mund të flas më tepër.
Ndërkaq Bajraktari në media deklaroi se për shkak të ndarjes së Kardiologjisë në dy vitet e fundit është rritur numri i vdekjeve deri në 15.5 për qind. Bajraktari dhe disa kardiologë të tjerë i kanë shkruar letër edhe ministrit të Shëndetësisë Uran Ismaili për të mos lejuar ndarjen e kësaj klinike. Por një gjë e tillë tashmë ka marr fund me vendimin e Bordit të SHSKUK-së e cila e ka ndarë Kardiologjinë me Kardiologjinë Invazive. /Gazeta Shneta/