Hulumtuesit kanë vënë re se shumë persona gjatë periudhës së Covid nuk janë infektuar. Deri më tani, ata janë duke analizuar nëse gjenetika ose sistemi imunitar kanë ndihmuar në mbrojtjen e shëndetit nga Covid.
Fatmirësisht, shumë persona gëzojnë fatin që nuk kanë qenë të infektuar me Covid shkruan VeryWell Health, transmeton Gazeta Shneta.
E në lidhje me këtë hulumtuesit po analizojnë nëse gjentika apo sistemi imunitar kanë luajtur rol në mbrojtjen e shëndetit të njerëzve.
Zbulimi i kësaj enigme do të mundësonte në mbrojtjen e shëndetit tek pacientët me rrezik të lartë për infektim.
Sipas një ekipi ndërkombëtar të studiuesve janë në proces të rekrutmit të pjesëmarrësve.
“Një faktor që studimi e quan në mënyrë specifike si një vështirësi është aftësia për të përcaktuar përfundimisht nëse një pjesëmarrës ka ose nuk ka përjetuar një infeksion COVID-19 pavarësisht ekspozimit,” tha Rebekah Sensenig, DO, një eksperte e sëmundjeve infektive me Riverside Health System.
Hulumtime të ngjashme kanë zbuluar se variacionet gjenetike në receptorë të caktuar të qelizave mund t’i bëjnë njerëzit rezistent ndaj një lloji të malaries, HIV dhe noroviruseve. Zbulime të tilla madje kanë çuar në mjekime dhe trajtime të reja për HIV.
Një studim tjetër, i botuar në Nature Communications, tregon se disa individë kanë atë që mund të jetë një imunitet para-ekzistues ndaj COVID-19.
“Hipoteza është se njerëzit me ekspozim të shtuar ndaj versioneve të tjera të koronaviruseve do të kenë qeliza T të ‘parapërgatitura’ që ndërveprojnë me COVID-19 dhe janë në gjendje t’i përgjigjen shpejt infeksionit COVID-19,” shpjegoi Sensenig.
Përveç sistemit të mundshëm imunitar ose faktorëve gjenetikë, personat e tjerë mund të mos kenë zhvilluar Covid.
Kjo si rezultat i izolimit në shtëpi dhe praktikimit të distancimit rigoroz social. Mbajtja e maskës dhe ndjekja e rekomandimeve të vaksinimit parandaloi gjithashtu shumë infeksione. /Gazeta Shneta/