Rreth 630,000 persona mbi 100 vjeç jetojnë në botë, dhe shumica dërrmuese janë në vetëm 10 vende. Ndër to, Japonia kryeson me 100 persona mbi këtë prag për çdo 100,000 banorë – vetëm Hong Kongu ka më shumë, me 133 sosh.
Rreth 630,000 persona mbi 100 vjeç jetojnë në botë. Japonia ka gjithashtu jetëgjatësinë më të lartë në botë: 88 vjet për gratë dhe 82 për burrat, raporton Euronews Health transmeton Gazeta Shneta.
Një në pesë persona mbi 100 vjeç jetojnë në Japoni, e ndjekur nga SHBA, Kina dhe India. Ky fenomen lidhet me ushqimin, aktivitetin fizik dhe një mjedis të shëndetshëm, sipas profesoreshës Solveig Cunningham.
Një shpjegim i famshëm është teoria e “zonave blu”, ku njerëzit jetojnë më gjatë për shkak të dietës së mirë, lidhjeve shoqërore dhe gjenetikës. Megjithatë, disa studiues dyshojnë në saktësinë e të dhënave për shkak të gabimeve administrative apo mashtrimeve.
Sidoqoftë, vendet me më shumë persona mbi 100 vjeç kanë edhe jetëgjatësi më të madhe.
Sekretet për jetëgjatësi janë: ushqim i shëndetshëm, gjumë i mjaftueshëm, aktivitet fizik, shmangia e duhanit dhe alkoolit, dhe menaxhimi i stresit. /Gazeta Shneta/