Një provë klinike e re ka krahasuar efektet e psilocibinës me një prej antidepresantëve më të zakonshëm, SSRI-të.
Hulumtuesit nga Imperial College London kanë zbuluar se psilocibina, një përbërës psikodelik i gjetur në disa lloje kërpudhash, ofron përmirësime të ngjashme të simptomave të depresionit me SSRI-të. Për më tepër, pjesëmarrësit raportuan përmirësime më të mëdha në funksionimin social dhe ndjesinë e lidhjes psikologjike pas 6 muajsh, shkruan Medical News, transmeton Gazeta Shneta.
Rreth 5% e të rriturve në botë vuajnë nga depresioni, një gjendje që shkakton ndjenja trishtimi, pashprese dhe humbje të gëzimit. SSRI-të janë ilaçe të zakonshme për trajtimin e depresionit, por shpesh kanë efekte anësore si nervozizëm, dhimbje koke, të përziera, tharje të gojës, probleme me gjumin dhe humbje të dëshirës seksuale. Gjithashtu, studimet e mëparshme kanë treguar se SSRI-të nuk funksionojnë për rreth 30% të pacientëve me depresion.
Studimi i ri, i publikuar në revistën Lancet eClinical Medicine dhe i paraqitur në Kongresin Evropian të Neuropsikofarmakologjisë, sugjeron se psilocibina mund të jetë një alternativë premtuese për lehtësimin afatgjatë të simptomave të depresionit, me përfitime më të mira për funksionimin psikologjik dhe social./Gazeta Shneta/