Është publikuar konkursi për drejtor të përgjithshëm të SHSKUK-së.
Sektori i Burimeve njerëzore në Shërbimin Spitalor Klinik Universitar ka publikuar konkursin për drejtor të përgjithshëm të këtij institucioni, shkruan Gazeta Shneta.
Publikimi i konkursit vjen pas miratimit të tij në mbledhjen e fundit të Bordit Drejtues të cilit i skadoi mandati më datën 27 mars të këtij viti.
Kriteret për t’u kualifikuar në këtë pozitë janë: Diplomë e studimeve universitare me 240 kredi në mjekësi, ekonomi, juridik dhe administratë publike; përvojë pune profesionale tetë vjet, prej të cilave pesë në pozita drejtuese.
Njoftimi për konkurs është publik deri më datën 29 prill, ndërsa afati i dorëzimit të aplikacioneve është nga 30.04.2023 deri më 07.05.2023. Konkursin e plotë e gjeni në këtë vegzë: Konkurs për Drejtor te Përgjithshëm i SHSKUK-së(2)
Në konkursin e parafundit kriteret e konkursit përcaktonin diplomë Master dhe 10 vjet përvojë pune, prej të cilave pesë në menaxhim të institucioneve dytësore apo tretësore të kujdesit shëndetësor.
Aktualisht SHSKUK udhëhiqet nga zëvendësuesja e drejtorit Narqize Arenliu, ndërsa përbërja e re e Bordit Drejtues pritet të miratohet javën e ardhshme. /Gazeta Shneta.