Farmacistja Gëzime Pllana është përzgjedhur në pozitën e drejtoreshës së Shërbimit Klinik Farmaceutik të QKUK-së. Pllana është edhe farmaciste përgjegjëse në kompaninë “Altupharma”.
Komisioni Përzgjedhës ka publikuar rezultatet e konkursit gjatë ditës së djeshme. Pllana ka dal e para me 352 pikë, ndërsa pas saj është farmacisti Visar Emini. Erblin Elezi nuk kishte marr pjesë në test, shkruan Gazeta Shneta.
Gazeta ka raportuar ditë më parë se Pllana është farmaciste përgjegjëse në kompaninë “Altupharma” e cila njihet për lidhjet e saj të afërta me mjekët duke i dërguar në pushime dhe kongrese, e që dyshohet se në këmbim mjekët përshkruajnë barnat e kompanisë në fjalë.
Gazeta Shneta kishte kontaktuar me Pllanën por nuk kishte arritur qasje për të marr një sqarim nga ana e saj. Gazeta ka raportuar edhe për menaxheren e projektit “Transformimi Farmaceutik”, Edona Dujaka e cila punon në kompaninë “Dardanixa”. /Gazeta Shneta/