Qeveria e ka autorizuar sot Ministrinë e Shëndetësisë për blerjen e vaksinave Covid-19.
Kjo është bërë me kërkesë të ministrit Arben Vitia. Ai ka thënë se delegimi i kompetencës nga Qeveria tek MSH parashihet sipas paragrafit tre të nenit 14 të Ligjit mbi ndarjet buxhetore për vitin 2021.
Vitia ka deklaruar se ky proces tanimë ka kaluar të gjitha fazat procedurale dhe ka kërkuar miratimin e Qeverisë, vendim ky i cili është votuar me shumicë votash në Qeveri.
Kujtojmë se Kosova ende nuk ka arritur të blejë asnjë vaksinë Covid-19. Ministri Vitia ka deklaruar ditë më parë në Kuvendin e Kosovës se janë afër arritjes së marrëveshjes me kompaninë Pfizer, si dhe janë në kontakt edhe me prodhues tjerë.
