Qeveria e Kosovës e ka pranuar kërkesën e Odës së Mjekëve të Kosovës për mbështetjen e familjeve të punëtorëve shëndetësorë që humbën jetën nga koronavirusi.
Kështu ka njoftuar OMK përmes një njoftimi ku thuhet se përkrahjen e kësaj kërkese e ka konfirmuar Alush Gashi, këshilltar i kryeministrit Avdullah Hoti, shkruan Gazeta Shneta.
“Përmes lidhjes telefonike këshilltari i kryeministrit të Kosovës, zt.Alush Gashi konfirmoi se kryeministri ka mbështetur këkresën e Odës së Mjekëve të Kosovës për mbështetjen e familjeve të punëtorëve shëndetësor që kanë humbur jetën si pasojë e infektimit me COVID-19, dhe njëkohësisht ka kërkuar nga Ministria e Shëndetësisë që të filloj procedurat për drafitmin e aktit normativ për kompenzimin e familjeve të mjekëve dhe punëtorëve tjerë shëndetësor që humbin jetën në krye të detyrës, njëkohësisht kryeministri ka kërkuar dhe konfirmuar që pjesë e këtij grupi të jetë edhe Oda e Mjekëve të Kosovës”, thuhet në njoftim.
Në Kosovë nga fillimi i pandemisë deri më sot kanë humbur jetën 30 punëtorë shëndetësorë, prej të cilëve 18 janë mjekë. /Gazeta Shneta/