Qeveria e Kosovës ne mbledhjen e mbajtur gjate ditës se sotme e ka shkarkuar Bordin e Fondit te Sigurimeve Shëndetësore me propozimin e ministrit Arben Vitia. Ky i fundit është emëruar kryesues në përbërjen e re të Bordit.
Qeveria e Kosovës në mbledhjen e mbajtur gjatë ditës së sotme me propozimin e ministrit të Shëndetësisë Arben Vitia i ka shkarkuar me shumicë votash anëtarët e Bordit Drejtues të Fondit të Sigurimeve Shëndetësore, shkruan Gazeta Shneta.
Në propozimin e Vitisë është theksuar “zëvendësimi” i përbërjes së anëtarëve të këtij Bordi. Në propozim nuk është përmendur arsyeja e këtij vendimi i cili mori votat e të gjithë anëtarëve të Qeverisë.
Bordi ishte emëruar në korrik të vitit të kaluar dhe kryesohej nga Dafina Gexha-Bunjaku, e cila është zëvendësministre nga radhët e LVV-së. Pjese e ketij Bordi poashtu kane qene edhe Ahmet Ismaili e Klit Shala nga Ministria e Financave, Kastriot Meqa nga Oda e Mjekëve, Agreta Gecaj-Gashi nga SHSKUK-ja dhe Muhamedali Kodra nga Shoqata e Pacientëve.
Ndërkaq në përbërjen e re Vitia e ka propozuar vetën kryesues të Bordit, anëtarë: Hekuran Nikqi dhe Besnik Fetahu nga Ministria e Financave; Kastiot Meqa përfaqësues i Odave të Profesionistëve Shëndetësor përkatësisht Oda e Mjekëve; Ardian Shefkiu nga SHSKUK; Izet Sadiku – drejtor për Shëndetësi në Komunën e Prishtinës dhe përfaqësues i Asociacionit të Komunave; dhe Afrim Maliqi nga Handikos. /Gazeta Shneta/