Qeveria e Kosovës sot ka miratuar vendimin për emërimin e anëtarëve të rinj të Bordit Drejtues të Fondit të Sigurimeve Shëndetësore.
Me propozimin e ministrit të Shëndetësisë Rifat Latifi, janë emëruar anëtarë të Bordit:
Znj. Dafina Gexha – Bunjaku, Ministria e Shëndetësisë;
Z. Ahmet Ismaili, Ministria e Financave, Punës dhe Transfereve;
Z. Klit Shala, Ministria e Financave, Punës dhe Transfereve;
Z. Kastriot Meqa, Përfaqësues i Odës së profesionistëve shëndetësorë;
Znj. Agreta Gashi, Përfaqësuese e Shërbimit Spitalor dhe Klinik Universitar të Kosovës;
Z. Fahri Shabani, Përfaqësues i Asociacionit të Komunave të Kosovës;
Z. Muhamedali Kodra, Përfaqësues i Shoqatës së Pacientëve;
Kujtojmë se Fondi i Sigurimeve Shëndetësore po përballet me skandalin e dyshimeve për keqpërdorimin e miliona eurove me buxhetin për trajtimin e pacientëve jashtë institucioneve publike shëndetësore.
Gazeta Shneta ka raportuar më parë se si FSSH kishte kryer pagesa për shërbime të cilat nuk janë kryer fare në një spital turk.
Rasti për të cilin kishte raportuar Gazeta Shneta, ishte një vajzë 10-vjeçare e cila nuk kishte arritur të kryente traplantin e palcës kurrizore dhe kishte ndërruar jetë, por përkundër kësaj shteti kishte paguar rreth 140 mijë euro. /Gazeta Shneta/