2 milion e 610 mijë e 100 euro Qeveria e Kosovës i ka ndarë për specializantët.
Ministri i Punës, Transfereve dhe Financave, Hekuran Murati, gjatë mbledhjes së kabinetit qeveritar ka njoftuar se mjetet në vlerë mbi 2,6 milion euro do të ndahen për Ministrin e Shëndetësisë për nënprogramin e aftësimit specialistik.
“Bëhet fjalë për një ndarje shtesë në mënyrë që të vazhdohet pagesa e specializantëve po ashtu edhe të ketë hapësirë për hapje për specializim që janë të domosdoshme sa i përketë sistemit tonë shëndetësore”, tha Murati gjatë mbledhjes.
“Mjetet në vlerë prej 1 milion e 490 mijë euro ndahen për Ministrinë e Shëndetësisë në nënprogramin për aftësimin e specialistik ndërsa pjesa tjetër në vlerë prej 1 milion e 120 mijë e 100 euro ndahen për kategorin subvencione dhe transfere”, ka sqaruar gjithashtu ministri.
Pagesat pritet të bëhen nga muaji shtator deri në dhjetor 2022.
Në fund të muajit gusht ka përfunduar kontrata për subvencionimin e rreth 430 specializantëve me vetfinancim.
Specializantët me Financim të Rregullt financohen nga buxheti i ndarë për Ministrinë e Shëndetësisë ndërsa për Specializantët me vet- financim financimi bëhet në mënyrë vetanake apo përmes subvencioneve./Gazeta Shneta/
Sot përfundon kontrata e subvencioneve për specializantët me vetfinancim