Në mesin e qendrave shëndetësore publike në vend të cilat janë duke u ballafaquar me mungesë të produkteve esenciale për trajtimin e pacientëve është edhe Qendra Kryesore e Mjekësisë Familjare në Komunën e Shtimës.
Një qytetarë ka dërguar në adresën e Gazetës Shneta udhëzimin e marrur nga mjeku për të blerë produkte medicinale të nevojshme për trajtimin e sëmundjes së tij.
Solucion NaCl – llojë i infuzionit, sistem për infuzion, Amp. Lendacin apo antibiotik si dhe Amp. Predinsolon janë produktet të cilat mungojnë në këtë qendër shëndetësore.
Në anën tjetër, Gazeta tash e disa ditë është duke kërkuar sqarim nga shefi i QKMF-së, Ilaz Kadrija, për mungesën e këtyre produkteve mirëpo të njejtët nuk janë përgjigjur.
I njejti qytetarë ka dërguar gjithashtu edhe fotografi të shtratit në këtë qendrës në të cilët shihen njolla të gjakut. Edhe për këtë shefi i kësaj qendre nuk ka dhënë asnjë sqarim.
Nga Ministria e Shëndetësisë thonë se Kujdesi Parësor Shëndetësore është furnizuar me barna esenciale deri në 75 përqind ndërsa me materiale shpenzuese deri në 85 përqind.
Përvec QKMF-vë me mungesë të barnave dhe materialeve ballafaqohen edhe Spitalet Rajonale dhe Klinikat në Qendrën Klinike Universitare të Kosovës. /Gazeta Shneta/
Pacientët me kancer në Onkologji, mes hallit të sëmundjes dhe mungesës së barnave