Është sërish kompania “Pharma Leader”, e cila është shpërblyer me tenderin emergjent për furnizim me material për hemodializë në vlerë mbi 93 mijë Euro.
Kompania “Pharma Leader” është shpërblyer sërish nga Qendra Klinike Universitare me kontratë për furnizim me material për hemodializë, shkruan Gazeta Shneta.
Kësaj radhe kjo kompani ka fituar një tender emergjent në vlerë prej 93 mijë e 689 Euro të ndarë në tre lote.
Në Lot 1 është paraparë furnizimi me koncentrat pluhur dhe të lëngshëm i bikarbonateve.
Loti 2 përmban pluhur acidik dhe koncentrat i lëngshëm acidik.
Lot 3 përmban tretësirë dezinfektuese për aparat të hemodializës me bazë të acidit citrik 50%.
Ky furnizim emergjent nga QKUK është bërë për shkak të vonesës së procedimit të procedurës së rregullt në fillim të këtij viti. QKUK furnizohej me disa materiale nga Spitali i Pejës. /Gazeta Shneta/