Qendra Klinike Universitare e Kosovës ka hapur konkurs për 11 anesteziologë me orar të plotë të punës. Në konkursin e publikuar me datën 10 korrik, anesteziolgoët kërkoheshin për 5 klinika të ndryshme.
Nga 11 anesteziologë, vetëm një prej tyre ishte përcaktuar për Klinikën e Anestezionit dhe MIQ në këtë konkurs. Ndërsa të tjerët për Kardiokirurgji, Neurologji, Infektivë dhe Kirurgji e Fëmijëve. Poashtu këta anesteziologë do t’i raportonin shefave të reparteve, shkruan Gazeta Shneta.
Gazeta ka kërkuar sqarime nga menaxhmenti i SHSKUK javën e kaluar për specifikat e këtij konkursi. Ndërkaq gjatë kësaj jave është bërë edhe përmirësimi i konkursit.
“Në lidhje me pyetjet tuaja për konkursin për anesteziologë, ju njoftojmë se anesteziologët e pranuar do të jenë nën menaxhim të Klinikës së Anestezionit dhe Mjekimit Intensiv, pra do t’i përgjigjen drejtorit të kësaj klinike, përderisa punën do të zhvillojnë në klinikat e cekura në konkurs. Duke pasur parasysh se ka pasur ngecje në funksionalizimin e mjekimeve intensive në klinikat e cekura në konkurs, është vlerësuar e nevojshme që të punohen anesteziolog që do të jene te caktuar për pune ne këto njësi intensive”, thuhet në përgjigjen e QKUK-së.
Administrata tashmë ka publikuar edhe njoftimin zyrtar për përmirësimin e konkursit ku bëhet e ditur se anesteziologët kërkohen për Klinikën e Anestezionit, e jo klinikave tjera siç ishte publikuar në fillim. Poashtu të pranuarit do t’i raportojnë drejtorit të KAMI-t. /Gazeta Shneta/