Mjekët në Klinikën e Gastroenterologjisë me Hepatologji kanë realizuar një intervenim me endoskopi i cili ka qenë jetëshpëtues për një pacient.
Në njoftimin e QKUK-së thuhet se pacienti ka qenë i shtrirë në një spital rajonal, ndërsa për shkak të gjendjes së rëndë ishte transferuar në QKUK.
“I sëmuri i nënshtrohet intervenimit endoskopik me çrast evidentohen vatrat nga varikset nga të cilat kishte gjakos pacienti dhe, me rrezikshmëri për gjakosje të përsëritur. Bëhet aplikimi i band ligaturave, pa ndonjë komplikim dhe se pacienti ndihej shumë mirë pas këtij intervenimi. Pacienti vazhdoi trajtimin me terapi adekuate sipas protokolit për gjakderdhjet e sipërme varikseale”, thuhet në njoftim, transmeton Gazeta Shneta.
Njoftimi i plotë i QKUK-së:
Me datë 16.09.2019 në kabinetin e endoskopisë të Klinikës së Gastroenterologjisë me Hepatologji, në QKUK, është kryer një intervenim endoskopik te pacienti i cili ishte paraprakisht i shtrirë në një Spital Rajonal, por që për shkak të peshës së sëmundjes dhe rrezikut për jetë, transferohet në klinikën tonë dhe pasi konstatohet patologjia e varikseve ezofageale si shkak i anemisë së rëndë. Ekipi I cili realizoi këtë procedurë ishte i përbërë nga: Dr. Zaim Gashi, Dr. Argjira Juniku, Dr. Gazmend Zeka specializant dhe infermieret, Remzije Aliu dhe Vjosa Basha.
I sëmuri i nënshtrohet intervenimit endoskopik me çrast evidentohen vatrat nga varikset nga të cilat kishte gjakos pacienti dhe, me rrezikshmëri për gjakosje të përsëritur. Bëhet aplikimi i band ligaturave, pa ndonjë komplikim dhe se pacienti ndihej shumë mirë pas këtij intervenimi. Pacienti vazhdoi trajtimin me terapi adekuate sipas protokolit për gjakderdhjet e sipërme varikseale.
Me këtë, jo vetëm që përmirësohet gjendja e pacientit për shkak të ndaljes së gjakderdhjes, por, në anën tjetër me këto intervenime po kursehet buxheti i shtetit, pasi më heret për keto procedura janë paguar deri afër 10 000 euro në shtetet e jashtme.
Kjo u mundësua pasi, kohë më parë ishte siguruar aparatura moderne endoskopike, e cila siguron imazh të sigurtë me rastin e bërjes së këtyre intervenimeve. Gjithashtu, praktikat e mira mjekësore, jane baze e forte edhe për krijimin e Udhërrëfyesëve Kombëtar nga kjo lemi.