Qendra Klinike Universitare e Kosovës ka uruar infermierët me rastin e 12 Majit – Ditës Ndërkombëtare të Infermierëve, duke vlerësuar rolin e tyre në kujdesin ndaj pacientëve dhe funksionimin e sistemit shëndetësor.
Në mesazhin e publikuar nga QKUK, infermierët janë cilësuar si “forca e sistemit shëndetësor”, të cilët çdo ditë ofrojnë kujdes, mbështetje dhe siguri për pacientët.
Sipas QKUK-së, puna e infermierëve ka rol të rëndësishëm në ruajtjen dhe përmirësimin e shëndetit të qytetarëve, ndërsa është vlerësuar përkushtimi, profesionalizmi dhe humanizmi i tyre në përballjen me sfidat e përditshme në institucionet shëndetësore.
“Kjo ditë është një mundësi për të vlerësuar kontributin e jashtëzakonshëm që infermierët japin çdo ditë, duke vendosur mbi të gjitha mirëqenien e pacientit dhe shërbimin ndaj tyre!, thuhet në mesazhin urues të QKUK – së.