Qendra Klinike Universitare e Kosovës ka pranuar në punë Kemajl Gashi, i cili ka qenë i përfshirë në skandalin e notave me ryshfet dhe ndikim në Universitetin e Prishtinës. Gashi ka qenë i dënuar nga Gjykata Themelore e më pastaj ishte shpallur i pafajshëm nga Apeli. Ai është pranuar në cilësinë e specialistit të anesteziologjisë pasi këtë titull e ka marr vetëm para pak ditësh
Qendra Klinike Universitare e Kosovës shpalli konkurs gjatë muajit të kaluar për pranimin e 11 specialistëve të anestezionit për nevoja të pesë klinikave të ndryshme. Konkursi u shpall për 11 pozita të lira, pasi po kaq mjekë do të merrnin titullin e specialistit të anestezionit brenda kësaj kohe.
Dr. Kemajl Gashi ka marr titullin e specialistit të anesteziologjisë para pak ditësh pas provimit të mbajtur në Klinikën e Anestezionit në QKUK. Pas dhënies së provimit i njëjti është pranuar në punë si specialist i anestezionit në konkursin e shpallur nga QKUK, shkruan Gazeta Shneta.
Gashi ka qenë i përfshirë në skandalin e notave në Universitetin e Prishtinës me akuzën për ndërmjetësimin e dhënies dhe marrjes së ryshfetit për nota në vitin 2013 nw Fakultetin e Mjekwsisw. Për këtë akuzë Gashi ka qenë i dënuar nga Gjykata Themelore me 7 muaj burg dhe 1500 euro gjobë në vitin 2017, sipas raportimit tw Kallxo.com tw datws 06.07.2017.
Ndërkaq disa muaj më vonë do të shpallej i pafajshëm nga Gjykata e Apelit bashkë me 11-të të akuzuarit tjerë.
Përveç Gashit, QKUK ka pranuar në punë edhe 10 anesteziologë të tjerë. Më poshtë e gjeni listën e plotë të tyre. /Gazeta Shneta/
