Në Qendrën e Mjekësisë Familjare 4 në kryeqytet nga e hëna do të rikthehen shërbimet stomatologjike me një infrastrukturë të re.
Drejtori i Qendrës Kryesore të Mjekësisë Familjare, Bujar Gashi, ka njoftuar se në QMF 4 në rrugën “Bajram Bahtiri” kanë përfunduar punimet në shërbimin stomatologjik.
“Nga e Hëna do të vëhet në funksion edhe shërbimi stomatologjik i kompletuar”, ka shkruar Gashi në Facebook.
Rikthimin e shërbimit të stomatologjisë poashtu e ka bërë të ditur edhe drejtori i shëndetësisë në Prishtinë, Izet Sadiku.
“Qytetarët e kësaj pjese të qytetit nuk do të humbin kohë nëpër QMF-të tjera por shërbimet e tilla do t’i kenë më afër vendëbanimeve të tyre”, ka nënvizuar Sadiku./ Gazeta Shneta/
