Kryetari i Komunës së Prishtinës, Përparim Rama ka njoftuar se sot gjatë mbledhjes kanë shpalosur ‘Projektin e Fizibilitetit për Spitalin e Përgjithshëm të Prishtinës’.
Ai vlerëson se kryeqyteti ka nevojë për spital i cili i përmbushë të gjitha nevojat e qytetarëve.
Kujtojmë se në nivel vendi janë shtatë spitale regjionale.
“Kryeqyteti ka nevojë të ketë spitalin e vet, në të cilin do të ofrohen shërbime gjithëpërfshirëse spitalore të përzgjedhura për të akomoduar nevojat e qytetarëve në raport me shqetësimet dhe sfidat shëndetësore në të cilat hasin”, ka shkruar ai në Facebook.
Në këtë takim kanë qenë të pranishëm Drejtori i Shëndetësisë, Izet Sadiku, Ministri i Shëndetësisë, Rifat Latifi, Ambasadorja jorezidente e Emirateve të Bashkuara Arabe në Kosovë, Nabila AlShamsi, Koordinatorin e TIKA-s Turke në Kosovë, Cihan Dinçer dhe partnerë të tjerë.
Projekti do të realizohet nga Kompania ICME./Gazeta Shneta/