Infektologu i Klinikës Infektive në QKUK, Prof. Dr. Salih Ahmeti, ka dhënë detaje nga raporti për gjendjen e pacientëve të cilët janë të hospitalizuar.
Mjeku ka treguar se deri në këto momente janë të shtrirë 39 pacientë nga të cilët tre pacientë janë në gjendje kritike, shkruan Gazeta Shneta.
“Tre pacientë janë në gjendje kritike, njëri është i intubuar kurse tjetri po mbahet me oksigjenim maksimal”, ka treguar infektologu Ahmeti.
Ai ka thënë se pesë pacientë të tjerë janë mesatarisht të rënduar dhe nën terapi me oksigjenim, por janë me parametra klinik dhe laboratorik të menaxhueshëm.
Ndërkaq gjashtë raste janë nën observim dhe pritet të dalin rezultatet laboratorike nga Instituti Kombëtar i Shëndetit Publik. /Gazeta Shneta/