Kirurgu Rrahim Ymeri është pezulluar nga puna në Spitalin e Prizrenit, pas ofendimeve dhe kërcënimeve që pati karshi një pacienteve në dhimbje.
Një vendim i tillë erdhi nga menaxhmenti i Spitalit të Prizrenit, pas presionit mediatik dhe reagimit të shpejtë të ministrit, Uran Ismaili, shkruan Gazeta Shneta.
Ishte vetë ky i fundit që përmes një postimi në rrjetet sociale, njoftoi për pezullimin e kirurgut.
“Sapo u njoftova që kirurgu në Prizren është suspenduar nga menaxhmenti i Spitalit të Prizrenit. Ky reagim duhet të jetë mësim për të gjithë ata që abuzojnë me pozitat dhe besimin e dhënë. Do të vazhdojmë të investojmë në sistemin shëndetësor dhe në të gjithë punëtorët shëndetësorë me integritet dhe etikë të lartë. Por, nuk do të kemi tolerancë ndaj abuzimeve”, shkroi Ismaili.