Kirurgët e Qendrës Klinike Universitare të Kosovës të cilët kanë hyrë në grevë që nga muaji dhjetor i vitit të kaluar, po kërkojnë paga më të larta.
Gjatë ditës së djeshme ata kanë reaguar ndaj shkrimeve të mediave se kirurgët po e refuzojnë pagën 1200 euro të përcaktuar me ligj, ndërsa po kërkojnë rreth 4 mijë euro.
Kirurgët kanë reaguar në rrjetet sociale duke mohuar një gjë të tillë. Ata kanë thënë se po kërkojnë pagë të njëjtë sikurse prokurorët dhe gjyqtarët, por jo 4 mijë euro siç është raportuar në disa media.
Aktualisht në grevë janë klinikat e bllokut kirurgjik në QKUK, ndërsa grevën e kanë ndërprerë Klinika e Ortopedisë. /Gazeta Shneta/
