Gazeta Shneta sot gjatë ditës ka raportuar për prishjen e liftit të Klinikën e Ortopedisë në Qendrën Klinike Univeristare të Kosovës, pas raportimit ka reaguar Shërbimit Spitalir Klinik Universitar të Kosovës.
Në reagimin e tyre thuhet se ashensorët në Klinikën e Ortopedisë dhe në klinikat tjera në Qendrën Klinike Universitare janë në servisim të rregullt.
“Në lidhje me shkrimin tuaj “ Prishet lifti në Ortopedinë e re të QKUK-së, pacientët me trauma barten me batanije”, Sektori Teknik në QKUK, ju njofton se liftat në Klinikën e Ortopedisë dhe në klinikat e tjera në QKUK janë në servisim të rregullt”, thuhet në reagim.
“Menjëherë pasi është lajmëruar defekti në lift, është njoftuar kompania e cila ka sjellë serviserët e saj dhe ka rikthyer në gjendje të rregullt liftin i cili tashmë është në funksion”, thuhet tutje.
Dy familjarë të pacientëve kanë njoftuar mbrëmë Gazetën për mos funksionimin e liftit, si dhe kanë dërguar disa video e fotografi ku shihen duke i bartur familjarët e tyre me batanije.
Ata kanë thënë se raste të ngjashme kishin edhe shumë qytetarë të tjerë të cilët u detyruan të përdorin batanijen si zgjidhje në mungesë të liftit.
Edhe pse kanë kaluar disa orë që nga raportimi i pacientëve për prishje të liftit, kompania kontraktuese ende nuk e ka bërë rregullimin e plotë të liftit. /Gazeta Shneta/
/