Në një postim në faqen zyrtare, Shërbimi Spitalor Klinik dhe Universitar i Kosovës (ShSKUK) ka reaguar ndaj rastit të logopedit Iljasa Fazliu, logoped dhe njëherësh u.d. shef i defektologjisë në Klinikën e Otorinolaringologjisë (ORL).
Sipas ShSKUK’së, rasti ka ndodhur jashtë institucionit të QKUK’së, ndërsa sjellja e një profesionisti shëndetësor është e papranueshme dhe e dënushme shkruan Gazeta Shneta.
“Njoftojmë opinionin se me të parë publikimin në medie, për rastin që ka ndodhur jashtë institucionit të QKUK-së, e për të cilin nuk kemi qenë të informuar, menaxhmenti i ShSKUK-së, kërkuar nga drejtori i Klinikës së Otorinolarongologjisë që të procedojë me ndërmarrjen e masave konform legjislacionit në fuqi, meqë drejtori i klinikës është mbikqyrës i shefave të reparteve dhe shërbimeve përkatëse.”
“Për ShSKUK është e dënueshme dhe e pa pranueshme sjellja e tillë e një profesionisti shëndetësor, andaj siç e theksuam presim që drejtori i Klinikës së ORL-së të ndërmarrë masat e nevojshme konform legjislacionit në fuqi.”
Ndërkaq, Gazeta Shneta ka raportuar sot se Ordinanca e Iljasa Fazliut nuk ishte e licensuar nga Ministria e Shëndetësisë.
Për këtë, ShSKUK’ja deklarohet se një përgjegjësi e tillë është pjesë e kompetencave të Odave përkatëse.
“Sa i përket mungesës së licencës së punës, lëshimi i tyre është në kompetencë të Odave përkatëse, Odës së Mjekëve për mjekë dhe Odës së Infermierëve për profilet tjera, për çka të njejtit duhet të lajmërojnë institucionet.”
“Mungesa e një databaze elektronike për stafin e ShSKUK, e vështirëson përcjelljen në kohë reale të punës, avansimeve dhe mungesave eventuale të stafit.”, thuhet në njoftim.
Sot gjatë ditës është raportuar se logopedi Iljasa Fazliu, i cili njëherësh është edhe ud. i shefit të shërbimit të Logopedisë në QKUK ka abzuar psiqikisht në ordinancën e tij private një fëmijë 5-vjeçar me autizëm.
Sipas video-inqizimeve të siguruara nga Gazeta Insajderi, Fazliu dëgjohet duke përdorur fjalë të papërshtatshme, të papranuara ndaj fëmijës. /Gazeta Shneta/