Gjatë ditës së djeshme, Gjermania konfirmoi edhe një rekord të ri të rasteve ditore.
Instituti Robert Koch ka bërë të ditur se brenda 24 orëve janë konfirmuar mbi 7 mijë raste pozitive shkruan CNN, transmeton GazetaShneta.
Ndërkohë, brenda kësaj periudhe, 33 pacientë kanë ndërruar jetë si pasojë e covid-19, ndërsa numri i përgjithshëm i viktimave në Gjermani është mbi 9 mijë.
Në lidhje me rritjen e rasteve ditore, ka folur dhe kancelarja gjermane, Angela Merkel.
Ajo u ka bërë thirrje qytetarëve që të luftojnë në parandalimin e përhapjes së virusit me anë të respektimit të masave mbrojtëse.
“Ne duhet të bëjmë gjithçka në mënyrë që virusi të mos përhapet në mënyrë të pakontrolluar”, ka thënë Merkel.
Strategjia e Gjermanisë kundër pandemisë deri më tani është përqëndruar në gjurmimin e kontakteve të pacientëve të infektuar./GazetaShneta/