Kardiokirurgu Brahimaj është emëruar në pozitën e ushtruesit të detyrës së drejtorit të Kardiokirurgjisë me Kardiologji Invazive, pas pezullimit të ish-drejtorit Tefik Bekteshi.
Vendimi për emërimin e Brahimajt në këtë pozitë është marr sot nga drejtori i përgjithshëm i SHSKUK-së Dr. Valbon Krasniqi. Ky i fundit e ka arsyetuar këtë vendim e ka arsyetuar me dispozitat e Ligjit të Punës, shkruan Gazeta Shneta.
Brahimaj është emëruar në këtë pozitë deri në një vendim tjetër të menaxhmentit të SHSKUK-së.
Emërimi i Brahimajt në këtë pozitë vjen si ‘bumerang’ për Bekteshin dhe shefin e Kardiokirurgjisë Adem Grbolar, të cilët para disa muajsh ia patën ndaluar hyrjen në klinikë Brahimajt, e madje me një vendim të fundit poashtu ia patën ndaluar edhe kryerjen e operacioneve.
Ky suspendim i Brahimajt kishte ndodhur pasi ai ishte përfshirë në një incident me një koleg të tij.
Kujtojmë se Bekteshi u pezullua nga puna me vendim të Komisionit Disiplinor, për shkak të parregullësive dhe dyshimeve për keqpërdorime të ngritura pas publikimit të raportit të auditimit të brendshëm. Ky raport ka gjetur mjaft shkelje në procedurat e pagesave për stimulime. /Gazeta Shneta/
