Vitamina D është e nevojshme për funksionimin e duhur të sistemit tuaj imunitar, që është linja e parë e mbrojtjes së trupit tuaj kundër infeksionit dhe sëmundjeve.
Kjo vitaminë luan një rol kritik në promovimin e reagimit imunitar. Ka veti anti-inflamatore dhe imunoreguluese dhe është thelbësore për aktivizimin e mbrojtjes së sistemit imunitar shkruan Healthline, transmeton Gazeta Shneta.
Por a mundet që marrja e vitaminës D të mbrojë kundër Covid-19?
Megjithatë, studime të shumta kanë treguar që mungesa e vitaminës D mund të dëmtojë funksionimin imunitar dhe të rrisë rrezikun tuaj për të zhvilluar sëmundje të frymëmarrjes.
Për më tepër, disa studime kanë treguar që shtojcat e vitaminës D mund të përmirësojnë reagimin imunitar dhe të mbrojnë kundër infeksioneve të frymëmarrjes në përgjithësi.
Një përmbledhje e kohëve të fundit që përfshiu 11,321 njerëz nga 14 vende demonstroi se plotësimi i vitaminës D zvogëlonte rrezikun e infeksioneve akute të frymëmarrjes si në ata që ishin me mungesë të vitaminës D ashtu edhe në ata me nivele të përshtatshme. /Gazeta Shneta/