Dejan Krstiçiq, 35, Shtërpcë, i tha dje prokurorit në Prishtinë se nuk i kujtohet arsyeja pse i theri fëmijët e tij, të moshës 40 ditësh, mirëpo e pranoi se i kujtohet tërë ngjarja.
“Ditëve të fundit i kam parë disa njerëz në dritaret e shtëpisë sime, rreth shtëpisë. Unë i pashë, ata ishin aty, por më pas u zhdukën”, i tha Krtiçiq prokurorit në Prishtinë.
Ai ka treguar se të hënën, në ditën që e kreu vrasjen, në mbrëmje patën mosmarrëveshje me gruan.
“Kishim një darkë të këndshme, dhe më pas mora një thikë, desha ta trembë pak Anën. Shkova dhe vrava djalin, por nuk e kuptoj pse e kam bërë këtë”, ka thënë Krstiçiq, shkruan Express.
I vogli Dalino Krstiçiq u varros dje në varrezat lokale të Shtërpcës. Nëna e tij Ana, nuk mori pjesë në varrim pasi ishte me fëmijën tjetër në Nish, i cili kishte marrë plagë të rënda nga thika e babait. /Gazeta Shneta/