Nëna Pranvera solli në jetë fëmijët binjakë, djalë dhe vajzë, para kohe në maternitetin “Koço Gliozheni”.
Djali të cilin nëna e quajti me emrin Amaris, erdhi në jetë me peshë vetëm 690 gram. Por vogëlushi nuk u dorëzua dhe luftoi për jetë plotë 115 ditë nën terapi intensive, transmeton Gazeta Shneta.
Tani ministrja e shëndetësisë në Tiranë Ogerta Manastirliu, ka njoftuar se Amarisi ka shkuar në shtëpi në krahët e nënës.
“E pamendueshme se si Amarisi që në ditët e para të jetës ishte vetëm 690 gram, pas 115 ditësh në terapi intensive, nën kujdesin shembullor të mjekëve dhe infermierëve të maternitetit ‘Koço Gliozheni’ sot është në krahët e mami Pranverës dhe janë gati të kthehen në shtëpi për Krishtlindjet e para. Festa të paharrueshme do të jenë dhe për Seanën dhe mamin e saj, që do të lënë spitalin pas 70 ditësh në terapi intensive”, ka shkruar Manastirliu. /Gazeta Shneta/