Ella Casano, 12 vjeçe, u diagnostikua me një sëmundje autoimune të quajtur trombocitopenia purpura idiopatike që kur ishte shtatë vjeçe.
“Kjo sëmundje ndodh kur trupi sulmon dhe shkatërron trombocitet e veta, kështu që e vë atë në rrezik më të lartë për gjakderdhje ose lëndim” tha Meg Casano, nëna e Elle, për CNN, transmeton Gazeta Shneta.
Për shkak të kësaj sëmundje, Ella duhej të mbante infuzion IV çdo gjashtë deri në tetë javë. Si për shumë fëmijë të tjerë të vegjël dhe të rritur, ky proces e frikësonte atë.
“Kur kisha marr infuzionin tim të parë, isha e befasuar dhe pak e frikësuar nga pamja e sasisë së tubave dhe pajisjeve mjekësore në shtyllën e IV tim”, tha Ella në një deklaratë në faqen e saj të internetit.
Ella shikoi mbi frikën e saj dhe doli me një zgjidhje kreative për të fshehur ilaçin.
Pra, ajo mendoi për teddy arushin që në pjesën e pasme ta bënte një prerje dhe ta mbulonte infuzionin.
Duke parë se sa të kënaqur infermieret ishin me idenë, Ella dhe nëna e saj filluan procesin për patentimin, prodhimin dhe shpërndarjen e shpikjes që e quajtën “ Medi Teddy”.
“Qëllimi i Medi Teddy është të fshehë një qese të lëngjeve IV, ilaçeve ose produktit të gjakut nga fëmija që po e merr atë dhe në vend të kësaj të sigurojë një fytyrë miqësore për të parë!” tha Casano.
Ana e pasme e xhepit është bërë nga rrjetë në mënyrë që infermieret dhe mjekët të mund të shohin gjendjen e ilaçit që pacienti po merr./Gazeta Shneta/