SHSKUK nga sot do ta bëj organizimin e brendshëm me rregulloren e re për organizimin dhe sistemtatizimin e vendeve të punës. Kjo rregullore i ka përcaktuar edhe koeficientet e punëtorëve të administratës.
Shërbimi Spitalor Klinik dhe Universitar i Kosovës ka publikuar Rregulloren për organizimin e brendshëm dhe sistematizimin e vendeve të punës. Në këtë rregullore janë përcaktuar departamentet, divizionet dhe njësitë përbërëse të këtij institucioni, shkruan Gazeta Shneta.
SHSKUK do të udhëhiqet nga Bordi Drejtues të emëruar nga Qeveria i cili do të kryesohet sipas Statutit nga një anëtar në bazë të parimit të rotacionit.
Rregullorja ka zgjeruar Zyrën e Drejtorit të Përgjithshëm. Drejtori i Përgjithshëm do të ketë një zyrtar të lartë ekzekutiv, një zyrtar ekzekutiv, një asistent administrativ dhe shoferin. Në varësi të tij do të jenë edhe dy zyrtarë të certifikimit.
SHSKUK do të bëhet edhe me Departamentin për Shërbime Shëndetësore i cili do të ketë katër divizione: për mbikëqyrje dhe zbatim të cilësisë dhe sigurisë së shërbimeve shëndetësore; për menaxhimin e produkteve mjekësore; për menaxhimin e aparaturave mjekësore; dhe për kontrollin e infeksioneve.
Të tjerat janë Departamenti për Mbështetjen e Sistemit të Informimit Shëndetësor me dy divizione; Departamenti për Buxhet dhe Financa; Departamenti për Shërbime të Përbashkëta; Departamenti Ligjor; Departamenti për Burime Njerëzore; Divizioni për Prokurim Publik; Divizioni për Komunikim me Publikun; dhe Njësia e Auditimit të Brendshëm.
Në rregullore janë përcaktuar edhe koeficientet për zyrtarët e administratës.
Sipas këtij dokumenti Drejtori i Përgjithshëm i SHSKUK-së do të ketë koeficientin 14; Drejtori për Shërbime Shëndetësore 13; nga 8.3 do të kenë koeficientët drejtorët e departamenteve tjera, ndërsa udhëheqësit e divizioneve nga 7.35. Zyrtarët e lartë do të kenë koeficientin 5.7, ndërsa zyrtarët administrativ nga 5.1 Me koeficient 4 përfshihen asistentët, recepsionistët dhe inkasantët, ndërsa më i ulti është 3.88 i shoferit.
Më poshtë i gjeni tabelat e plota të koeficientëve sipas pozitave. /Gazeta Shneta/
