Gjatë vitit 2024 janë realizuar mbi 1,765 vizita në shtëpi për nënat shtatzëna dhe fëmijët e moshës 0-3 vjeç, duke treguar një angazhim të shtuar në ofrimin e kujdesit shëndetësor.
Kështu bëri të ditur Afërdita Krasniqi, koordinatore e programit të vizitave në shtëpi, e cila thekson rëndësinë që ka ky shërbim për zhvillimin e hershëm të fëmijëve dhe mbështetjen ndaj nënave, shkruan Gazeta Shneta.
“Në vitin 2024 janë vizitu diku mbi 1,765 nëna dhe fëmijë.Programi përfshin dy kontrolle gjatë shtatzënisë dhe pesë kontrolle për nënën dhe fëmijën brenda tre viteve të para të jetës.” u shpreh Krasniqi.
Tutje Krasniqi tha se qëllimi është që të ofrohet një qasje gjithëpërfshirëse në kujdesin e hershëm shëndetësor.
“Qëllimi kryesor i programit është që të ofrojmë nënave mbështetje, t’iu ofrojmë këshilla profesionale dhe t’iu qëndrojmë pranë,” thekson Krasniqi.
Sipas Krasniqit vizitat në shtëpi ndihmojnë jo vetëm për monitorimin e gjendjes shëndetësore, por edhe për identifikimin e hershëm të çështjeve që mund të ndikojnë në zhvillimin e fëmijës.
“Zhvillimi i hershëm gjatë shtatzënisë e zbulojmë, mandej bisedojmë, mandej e referojmë se ku kanë me shku,” shpjegon ajo./Gazeta Shneta/
Për më shumë ndiqni videon më poshtë: