Një studim i ri tregon se gjithnjë e më shumë pacientë përdorin ilaçe për humbjen e peshës, si Ozempic dhe Zepbound, para se të kryejnë kirurgji bariatrike.
Përdorimi i këtyre ilaçeve para operacionit është rritur 16 herë midis pacientëve që përgatiten për humbje të konsiderueshme të peshës, raportojnë hulumtuesit në takimin vjetor të American College of Surgeons në Çikago.
Për pacientët pa diabet tip 2, përdorimi i ilaçeve GLP-1 u rrit në 23% në fund të vitit 2024, nga vetëm 2% në fillim të vitit 2020, shkruan HealthDay transmeton Gazeta Shneta.
Ndërsa pacientët me diabet tip 2 e përdorën ilaçin në 45% të rasteve, duke treguar një ndryshim të qartë në mënyrën se si kandidatët për kirurgji e shohin trajtimin e tyre.
Ekspertët theksojnë se nuk ka një qasje të vetme për të trajtuar obezitetin dhe se përdorimi i kombinimit të kirurgjisë dhe ilaçeve GLP-1 mund të ofrojë rezultate më të mira për humbjen e peshës dhe menaxhimin e sindromës metabolike.
Dr. Stefanie Rohde nga Ohio State University tha:
“Pacientët tashmë nuk duhet të zgjedhin midis GLP-1 dhe kirurgjisë – përdorimi i të dyjave po bëhet gjithnjë e më i zakonshëm.”/Gazeta Shneta/