Përdorimi i ketaminës po rritet ndjeshëm në mesin e të rinjve në Mbretërinë e Bashkuar, duke u konsideruar tashmë si një “epidemi”.
Rasti i Barney Casserly, i cili humbi jetën në moshën 21-vjeçare pas një varësie të rëndë, ka tronditur opinionin publik dhe ka nxitur debat për rrezikun që paraqet kjo drogë.
Ketamina, e lirë dhe lehtësisht e qasshme, po përhapet sidomos në festa dhe mjedise rinore, por shumë përdorues përfundojnë të izoluar dhe me probleme të rënda shëndetësore, si dëmtimi i fshikëzës së urinës. Qeveria britanike po shqyrton riklasifikimin e saj si drogë të klasit A për të ashpërsuar ndëshkimet për shpërndarje.
Megjithëse në disa klinika përdoret në mënyrë të kontrolluar për trajtimin e depresionit, ekspertët theksojnë nevojën për edukim dhe ndërgjegjësim mbi rreziqet e përdorimit të pakontrolluar të saj.