Një studim kanadez tregon se të moshuarit e shtruar në spital për shkak të virusit respirator RSV kanë pasoja më të rënda krahasuar me gripin apo infeksionet e zakonshme.
Ata qëndrojnë më gjatë në spital, rrezikojnë më shumë të përfundojnë në kujdes intensiv dhe kanë vdekshmëri më të lartë brenda 30 ditëve.
Madje, deri një vit pas shërimit, rreziku për dështim të zemrës dhe fibrilacion atrial mbetet i lartë. Ekspertët theksojnë nevojën për vaksinim dhe ndjekje të kujdesshme pas infeksionit.