Punësimi pa meritë pothuajse ka kapluar gjithë institucionet, e pa dyshim kjo vërehet mjaft shumë edhe në Shëndetësi.
Rast i tillë ka ndodhur së fundmi në SHSKUK, ku një kandidate për mami në Gjinekologji, nuk arriti të punësohej edhe pse kishte marrë 88 pikë, derisa shumë të tjerë me më pak pikë ishin në krye të listës.
Ndërsa, siç raporton Koha.net, për një pozitë të tillë është paguar nga 2 deri në 5 mijë euro.
“Unë kam qenë në komisionin e vitit të kaluar. Në këtë konkurs nuk kam qenë fare i përfshirë. Kur unë isha pjesë e komisionit, pyetjen e parë që ua kam bërë kandidatëve është nëse kanë të afërm ose kanë intervenuar për t’u punësuar dhe normalisht që të parët që kanë menduar të punësohen në atë mënyrë i kam rrëzuar”, ka thënë gjinekologu i cili ishte përmendur në një bisedë ndërmjet dy kandidateve.
Për më shumë, shkrimin e plotë mund ta gjeni në Koha.net.