Ish-drejtori i Spitalit të Vushtrrisë, anesteziologu Hajrullah Saraqi, po e kundërshton shkarkimin e tij nga drejtoria e përgjithshme e SHSKUK-së.
Saraqi thotë se ky institucion ia ka parë hajrin pasi gjatë udhëheqjes së tij janë investuar mbi 7 milionë euro nga Emiratet e Bashkuara Arabe. Madje ai thotë se gjatë mandatit të tij nuk ka pasur afera korruptive.
Saraqi nuk po pajtohet me vendimin e Dr. Basri Sejdiut për shkarkimin e tij nga pozita e u.d. të drejtorit dhe emërimin e kirurgut Murel Pllana. Madje ai nuk ishte pajtuar as që të dorëhiqej kur këtë ia kishte kërkuar Sejdiu në telefon.
“Më ka thirr në telefon para një muaji dhe më ka kërkuar që të dorëhiqem. Por unë nuk kam pranuar sepse i kam thënë se nuk ke argumente. Pas 3-4 dite më ka ardh letra e shkarkimit”, ka deklaruar Saraqi për KTV-në. /Gazeta Shneta/
