Kryetari i Komunës së Prishtinës, Shpend Ahmeti, ka bërë të ditur se së shpejti pritet të hapet Qendra e Mjekësisë Familjare në qendrën e studentëve.
Ndonëse qendra e studentëve ndodhet në kryeqytet, Ahmeti thotë se Komuna nuk e ka për obligim t’u shërbej qytetarëve jashtë Prishtinës, shkruan Gazeta Shneta.
“Edhe pse nuk është përgjegjësi e komunës dhe shëndetësisë primare të ofrojmë shërbime për qytetarët jashtë Prishtinës, për shkak të kërkesës së studentëve së shpejti hapim Qendrën e Mjekësisë Familjare në qendrën e studentëve (te menza) për të ofruar shërbime për studentët e Universitetit të Prishtinës”, ka shkruar Ahmeti në facebook.
Ai ka shtuar se punët janë para përfundimit. /Gazeta Shneta/
