Përveç kryetarit aktual Pleurat Sejdiu, edhe nënkryetari Gjonbalaj është paraqitur si kandidat për kryetar të OMK-së.
Pas përfundimit të zgjedhjeve për Kuvend, Oda e Mjekëve të Kosovës ka bërë të ditur se KQZ i ka certifikuar dy kandidatë për kryetar, Pleurat Sejdiu dhe Naser Gjonbalaj, shkruan Gazeta Shneta.
“Komisioni Qendror i Zgjedhjeve në mbledhjen e sotme të datës 03 mars 2026, sipas rekomandimeve të Sekretariatit të KQZ-së, ka shqyrtuar aplikacionet për kandidatur për Kryetar të OMK-së. Pas përfundimit të afatit për kandidim njoftojmë se janë pranuar dy aplikime për kandidaturë për Kryetar të OMK-së. Të dy aplikuesit i kanë plotësuar kushtet sipas rregullimit normativ të përcaktuar me Statutin e Odës dhe Kodin Zgjedhor, dhe të njejtit janë certifikuar nga KQZ-ja. Kandidatët e certifikuar janë:
Dr. Pleurat Sejdiu dhe
Dr. Naser Gjonbalaj
Të dy kandidatëve i’u urojmë suksese në garën zgjedhore si proces demokratik dhe domethënës për funksionalitetin dhe qëndrueshmërinë organizative të Odës”, thuhet në njoftimin e OMK-së. /Gazeta Shneta/