Një variant i ri i gripit të shpendëve, H5N9, është konfirmuar për herë të parë në një fermë rosash në Kaliforni, SHBA, sipas një raporti të Organizatës Botërore për Shëndetin e Kafshëve (WOAH).
Shpërthimi, i cili u konfirmua më 13 janar në qarkun Merced, çoi në asgjësimin e 119,000 shpendëve. Origjina e virusit mbetet e panjohur, ndërsa në fermë u gjet edhe varianti H5N1, tashmë i përhapur në SHBA.
Autoritetet shëndetësore amerikane kanë nisur hetime epidemiologjike dhe kanë rritur mbikëqyrjen për të kontrolluar përhapjen shkruan MedicalXpress transmeton GazetaShneta.
Edhe pse nuk është raportuar transmetim nga njeriu te njeriu, ekspertët paralajmërojnë për rrezikun e një pandemie nëse virusi muton dhe bëhet i transmetueshëm mes njerëzve.
Raporti ngre shqetësime për ndërprerjen e bashkëpunimit midis SHBA-së dhe Organizatës Botërore të Shëndetësisë (WHO) pas vendimit të ish-presidentit Donald Trump për të tërhequr vendin nga organizata. Ekspertët theksojnë se kjo mund të vështirësojë ndjekjen globale të viruseve të rrezikshme.
Deri më tani, në SHBA janë regjistruar 67 raste të gripit të shpendëve te njerëzit, me një vdekje në fillim të janarit.