Një tjetër person i infektuar me COVID-19 ka ndërruar jetë në Kosovë.
Bëhet fjalë për një pacient nga Komuna e Ferizajt, i cili u referua në QKUK nga Qendra e Mjekësisë Familjare në Ferizaj.
Njoftimi i plotë nga MSH:
“Klinika Infektive e QKUK-së njofton se sot më 17. 04. 2020 ka përfunduar me vdekje pacienti S.M. nga Komuna e Ferizajt.
Pacienti është hospitalizuar në Klinikën Infektive me datën 12.04.2020, i referuar nga Qendra e Mjekësisë Familjare –Ferizaj.
Pacienti ka qenë në gjendje të rëndë që nga pranimi në Klinikën Infektive, testi për SARS-CoV- 2 ka rezultuar pozitiv dhe përveç sëmundjes COVID-19 ka pasur edhe sëmundje të tjera shoqëruese.
Kjo është vdekje e dymbëdhjetë nga Virusi Korona Covid-19 në Kosovë”.