Jeta mesatare në Shtetet e Bashkuara u rrit në 79 vjet në vitin 2024, niveli më i lartë i regjistruar ndonjëherë, sipas të dhënave të publikuara nga Qendrat për Kontrollin dhe Parandalimin e Sëmundjeve (CDC).
Përmirësimi reflekton jo vetëm përfundimin e pandemisë së COVID-19, por edhe rënien e shkallës së vdekshmërisë nga sëmundjet kryesore, përfshirë sëmundjet e zemrës, kancerin dhe mbidozën e drogës.
Sipas statistikave paraprake, pritet që përmirësimi të vazhdojë edhe në 2025. Në vitin 2024, rreth 3.07 milionë amerikanë vdiqën, rreth 18,000 më pak se një vit më parë. Shkalla e vdekshmërisë ra në të gjitha grupet racore dhe etnike, si tek burrat ashtu edhe tek gratë.
Sëmundjet e zemrës mbeten shkaku kryesor i vdekjes, por shkalla e vdekshmërisë nga këto sëmundje ra përsëri rreth 3% për vitin e dytë me radhë, falë përparimeve në trajtimin mjekësor dhe menaxhimin e peshës. Vdekjet nga aksidentet jo të qëllimshme, përfshirë mbidozën e drogës, ranë mbi 14% në 2024. Ndërkohë, COVID-19, që më parë ishte shkaku i tretë i vdekjes në vend, nuk është më brenda dhjetë shkaktarëve kryesorë të vdekjes.
Raporti i CDC-së tregon se, edhe pse SHBA-ja ka arritur përmirësime të rëndësishme, shkalla e jetësmes mbetet më e ulët se në shumë vende të tjera, duke treguar se ende ka punë për të bërë në fushën e shëndetit publik.