Sipas një studimi të ri të kryer në Norvegji, thithja e grimcave të imëta që shkëputen nga produktet e pastrimit shoqërohet me dëmtimin e funksionit të mushëkrive, e ngjashme me atë që ndodhë me duhanpirësit.
Produktet e pastrimit dëmtojnë mushkëritë
Sipas anëtarëve të ekipit hulumtues në Universitetin e Bergenit në Norvegji, funksionet e mushkërive fillojnë të dobësohen me kalimin e kohës për shkak të acarimit të vazhdueshëm të rrugëve të frymëmarrjes të shkaktuara nga grimcat kimike që përbëjnë produktet e pastrimit, transmeton Gazeta Shneta.
Megjithëse çështja shëndetësore është e lidhur me akumulimin ndër vite, ka nevojë të ndërgjegjësoheni për pasojat ende të panjohura.
“Kemi gjetur një dëmtim të përshpejtuar të funksionit të mushkërive te gratë pas pastrimit. Madhësia e efektit ishte e krahasueshme me madhësinë e efektit që lidhej me 10-20 cigare që konsumojnë duhanpirësit gjatë ditës”, thanë shkencëtarët.
Për të arritur këto rezultate, shkencëtarët monitoruan 6, 235 vullnetarë, të cilët ishin rreth 34 vjeç, për më shumë se dy dekada dhe krahasuan rezultatet e tyre.
Dobësimi i funksionit të mushkërive u vërejt më së shumti tek gratë dhe lidhet drejtpërdrejt me ekspozimin dhe inflamacionin e rrugëve të frymëmarrjes ndaj produkteve kimike./GazetaShneta/