Shkaku i saktë i sëmundjes së Parkinsonit mbetet ende i panjohur; megjithatë, studiuesit e dinë se disa faktorë gjenetikë kontribuojnë në këtë gjendje, si për shembull një mutacion në gjenin PINK1.
Një studim i ri për herë të parë shpjegon se si duket PINK1 te njeriu dhe si aktivizohet ai.
Studiuesit besojnë se këto gjetje mund të ndihmojnë një ditë në zhvillimin e opsioneve të reja të trajtimit për sëmundjen e Parkinsonit, shkruan burimi Medical News Today përcjell Gazeta Shneta
Vlerësohet se rreth 10 milionë njerëz në mbarë botën jetojnë me sëmundjen e Parkinsonit — një gjendje neurologjike që ndikon në lëvizje.
Edhe pse shkaku i saktë i sëmundjes së Parkinsonit ende nuk dihet, studimet e mëparshme tregojnë se një kombinim i faktorëve mjedisorë dhe gjenetikë kontribuon në zhvillimin e saj.
Për shembull, shkencëtarët kanë zbuluar se disa gjene mund ta rrisin rrezikun për të zhvilluar Parkinson, si një mutacion në gjenin PINK1 (PTEN-induced putative kinase 1).
Tani, një studim i ri i publikuar së fundmi në revistën “Science”, shpjegon për herë të parë se si duket proteina PINK1 te njeriu dhe si ajo aktivizohet.
Studiuesit besojnë se këto zbulime mund të çojnë në zhvillimin e trajtimeve të reja për sëmundjen e Parkinsonit. /Gazeta Shneta/