Një mjek i Qendrës Kryesore të Mjekësisë Familjare në Istog ka shkuar i dehur në vend të punës ditën e djeshme, ku si pasojë ka demoluar disa pajisje.
Rastin për KALLXO.com e ka raportuar një qytetar, i cili ka dërguar fotografi të tollovisë së shkaktuar brenda objektit shëndetësor.
Në fotografi shihen pjesë të thyera të qeramikë dhe gjësende të metalta e uniforma mjekësore të hedhura në tokë.
Rastin për KALLXO.com e ka konfirmuar edhe drejtori i Shëndetësisë, Anton Gegaj.
Gegaj tha se janë të njoftuar rreth rastit në fjalë dhe bëri të ditur se me veprimet e mjekut po merret komisioni disiplinor.