Ministri i Shëndetësisë Dr. Arben Vitia, ka njoftuar se janë konfirmuar edhe katër raste tjera me koronavirus në Kosovë.
Vitia ka treguar se bëhet fjalë për familjar të 77-vjeçarit nga Stublla, pas konfirmimit të tyre numri total i të prekurve ka shkuar në 13, transmeton Gazeta Shneta.
“Mbrëmë vonë, bazuar në rezultatet e testimeve u konfirmuan edhe katër raste të reja pozitive me COVID-19. Të katër rastet janë nga fshati Stubëll e Vitisë, familjarë të ngushtë të pacientit të diagnostikuar pozitiv me COVID-19, me datë 13.03.2020. E gjithë familja kanë qenë në vetizolim dhe Instituti Kombëtar i Shëndetit Publik ka bërë testimin edhe të familjarëve të tjerë”.
“Në këtë situatë vetëdija dhe ndihma e juaj është e domosdoshme. Mbani distancë nga tjetri. Reduktoni daljet veç në raste emergjente. Ndiqni rekomandimet nga Ministria e Shëndetësisë dhe Instituti Kombëtar i Shëndetit Publik”, ka shkruar Vitia. /Gazeta Shneta/
